Habal-habal driver nakuhaan og armas ug mga bala
CEBU, Philippines — Usa ka habal-habal driver ang nadakpan sa mga tinugyanan sa Danao City Police Station nga naghupot og illegal nga armas ingon mga bala diha sa Barangay Cambanay, Danao City.
Ang nasikop tungod sa kalapasan sa R.A 10591 kon illegal Possession of firearm with ammos mao si Michael Roble, 33anyos, ulitawo, taga Lower, Barangay Binaliw sa maong dakbayan.
Ang kapulisan sa Danao pinangulohan ni PMSG Jose Michael Alegado, Desk Officer sa Danao City Police Station nakadawat og tawag gikan sa usa ka concerned citizen kabahin sa lalaki nga naghupot ug armas.
Sumala pa ni Alegado, atol sa pagsusi sa kapulisan didto nakit-an si Roble nga naghupot kini ug armas ug wala maka-presentar og mga dokomento.
Nakuha kang Roble ang Black Widow 9mm cal. Revolver nga walay serial number ug tulo ka buhing bala.
Ang dinakpan anaa na karon sa custodial facility sa Danao Police alang na sa pagpasang-at ug tukma nga kaso.
- Latest
