CEBU, Philippines — Dili una ipatuman sa Cebu Port Authority (CPA) ang umento nga 5 porsyento sa bayranan sa kargamento nga gikan sa gawas sa nasud hangtud sa Oktubre 1 tuig 2021.
Suma pa sa CPA general manager Leonilo Miole nga ang ilang paghatag ug lugway naggumikan usab sa nasinate nga kalisdanan nonot sa covid-19 pandemic ug kaminusan ang impact niini ngadto sa katawhan.
“The deferment of the increase is one of the initiatives and interventions of the CPA with our partner cargo handling service provider, Oriental Port and Allied Services Corporation (OPASCOR) to help aid the income losses due to the operational and travel restrictions brought by COVID-19 to the maritime sector. This is good news for all our shipping liners, exporters, importers, logistics providers and other port stakeholders,” suma pa ni Miole sa iyang statement.
Kahinumduman nga giaprobahan niadtong Septiyembre sa miaging tuig ang 10 porsyento nga across-the-board nga umento sa cargo handling tariff, hinoon way labot niini ang mga produkto sa semento, iron ug steel products.
Ang unang hugna sa umento gipatuman niadtong Oktobre sa miging tuig samtang ang ikaduhang hugna nga 5 porsyento ipatuman unta karong Oktobre 19, 2020. The Freeman/MEL