Kapin P60M nga shabu nasakmit sud sa duha ka semana
CEBU, Philippines — Gikan sa September 14 hangtod sa petsa 20 sa samang buwan gipahibawo ni Cebu City Police Office Director Colonel Josefino Ligan nga moabot sa 40 ka tawo ang ilang nadakpan.
Kini maoy resulta sa 32 ka operations nga gipahigayon sa kapolisan sulod sa usa ka semana.
Matod ni Col. Ligan moabot sa 7,864.53 grams o dul-an sa walo ka kilo sa shabu ang nakompiskar sa Cebu City Police Office sa ilang operasyon sa usa ka semana nga adunay dangerous drug board value nga dul-an sa P60 milyones.
Gikan sa September 20 hangtod sa petsa 27 ang CCPO dunay 31 ka operations nga gipahigayon ug 39 ka tawo ang gisikop.
Moabot sa 1,020 grams o usa ka kilos sa shabu ang ilang nakompinsar nga mobalor sa kapin P6 milyones.
“For the two-week period we have almost 9 kilos all in all with the DDB value of P60 million, two-week period for Cebu City”, sigon ni Col. Ligan.
Managlahi nga personalidad ang nadakpan sa CCPO apan sigon ni Col. Ligan sa pagpahigayon nila og de-briefing naghimo na sila og drug matrix, drug link aron mahibaw-an kun asa gyud ang source sa drugas niining mga dinakpan.
“They have sourced their shabu from one person, then ang one person wala paman nato madakpi but lately katong dako nga nadakpan sa result sa tactical debriefing mao na mo-point out didto sa Bilibid”, dugang ni Col. Ligan. /MEL (BANATNEWS)
- Latest
