CEBU, Philippines — Ang Probinsiya sa Sugbo mao na unya ang modumala sa Cebu North Bus Terminal (CNBT) diin ang soft opening niini gikatakda sa buwan sa Oktubre niining tuiga.
Atol sa tigom sa Economic Enterprise Council, si Gobernador Gwendolyn Garcia nagkanayon nga uban sa Kapitolyo ang SM Prime Holdings, Inc.
Ang soft opening sa CNBT gikatakda sa Okubre 12, 2020 samtang ang tibuok nga operasyon niini gikatakda sa Oktubre 15, 2020 diin anha na kini sa bag-ong lokasyon niini sa SM City Cebu.
Sa report sa Sugbo News, si Atty. Roy Salubre, provincial treausurer nagkanayon nga adunay canopy ug bus parking bay nga ibutang diha sa temporaryong CNBT sa quadrangle sa luna sa usa ka hotel nga duol sa mall.
Ang CNBT mao ni ang mo-cater sa mga pasahero padulong sa amihanan sa Probinsya sa Sugbo ug gilauman nga 300 ka byahe ang mapahigayon matag adlaw
Kasagaran sa mga pasahero sa CNBT taga probinsiya hinungdan nga ang Kapitolyo niuyon nga motake-over sa pagdumala niini.
Samtang diha sa Cebu South Bus Terminal (CSBT) ang oras sa operasyon sa terminal gipaubsan usab gikan sa 24 ka oras nga operasyon ngadto sa 14 ka oras gikan alas 5:00 sa buntag hangtud alas 7:00 sa gabii. /BDB (BANATNEWS)