CEBU, Philippines — Gikatakda na ang pagbalik sa operasyon sa Cebu South Bus Terminal (CSBT) human kini temporayong gisiradohan.
Ang nahisgutang terminal nahimutang kini diha sa dalan Natalio Bacalso sa Dakbayan sa Sugbo.
Si Gobernador Gwendolyn Garcia sa Probinsiya sa Sugbo nagkanayon nga dili dayon buksan ang terminal bisan og ubos na sa general community quarantine (GCQ) ang Dakbayan sa Sugbo
“Then we will have to revert but we will plan carefully. The CSBT would have to operate once again as south bus terminal”, matud ni Garcia.
Wala pay tukmang adlaw o petsa ang pagbalik sa operasyon sa terminal tungod kay sa pagkakaron anaa diha ang Bagsakan Center sa Probinsiya sa Sugbo.
Ang Bagsakan Center sa probinsiya gikatakda kining ibalhin.
Sa pagkakaron ang terminal sa mga bus padulong sa habagatang bahin sa Probinsiya sa Sugbo temporaryong gipahimutang diha sa luna sa usa ka restaurant sa Cebu South Coastal Road, Dakbayan sa Talisay dihang gipaubos sa enhanced community quarantine (ECQ) ang Probinsiya sa Sugbo. /BDB (BANATNEWS)