CEBU, Philippines — Higpit nga gidili ang pagbaligya ug pag-inom og ilimnong makahubog sa Lungsod sa Bantayan paglikay sa COVID-19.
Giingong kasagaran sa magtagay o mag-inom magpulipuli kini og tungab sa usa ka baso diin delikado kini na mokatap ang virus.
Si Mayor Arthur Despi niluwat kini sa Executive Order No. 42 pagpatuman sa liquor ban diin epektibo kini niadtong Agosto 1, 2020 ug matapos usab sa Agosto 15, 2020 aron mapugngan ang pagkatap sa COVID-19 sa lungsod.
“The Municipality of Bantayan, Cebu sees the need to impose a total liquor ban as a relevant measure to prevent social gatherings in public places”, tipik sa nahisgutang EO.
Ang lokal nga kagamhanan sa lung-sod nipatuman usab kini sa pagdili sa mga tapoktapok o public gatherings nga mosobra sa 10 ka tawo ang motambong aron masiguro nga maobserbahan ang social distancing.
Gitataw ni Dispe nga bisan sa nagpadayon nga gubat sa COVID-19 adunay pipila ka molupyo nga walay pakabana tungod kay nagpadayon gihapon ang pag-inom og ilimnong makahubog diha sa mga publikong dapit ug pipila usab kanila ang dili magsul-ob og face mask. /BDB (BANATNEWS)