Health protocols higpit gipatuman sa Mandaue
CEBU, Philippines — Higpit nga gipatuman sa kagamhanan sa Dakbayan sa Mandaue ang health protocol sa nagkadaiyang establisemento sama sa social distancing, pagsul-ob og face mask ug ang pagpanghunaw og tubig gamit ang sabon o alkohol.
Ang mga tinugyanan sa Business Permit and Licensing Office (BPLO) maoy nagpahigayon og inspeksyon sa pagseguro nga napatuman ang mga health protocols sa kagamhanan.
Ang mga malls namatikdan nga pakyas sa pagpatuman sa social distancing sa mga mosulod nga kustomer hinungdan nga gipadad-an og suwat pahimangno.
Si Mayor Jonas Cortes niingon nga naglakip sa silot nga ipahamtang mao ang pagpasirado ug ang pagbakwi sa business permit.
Tuyo niini nga dili makakuyanap ang coronavirus disease 2019 diha sa komunidad.
Ang mga tawo nga dili magsul-ob og face mask sa paggawas sa panimalay dakpon sa mga polis ug mga barangay tanod ug makabayad og P5,000 nga multa subay sa ordinansa. /GMR (BANATNEWS)
- Latest