CEBU, Philippines — Gikatakda ang temporaryo nga pagsirado sa munisipyo sa Lungsod sa Bantayan sugod sa Hulyo 28 hangtud sa Agosto 2, 2020 base sa post niini diha sa social media page sa lungsod.
Gipahibalo sa lungsod ubos sa ilang social media post nga prayoridad nila ang kaluwasan sa empleyado ug publiko hinungdan nga temporaryong siradohan ang munisipyo alang sa pagpahigayon og disinfection sa tibuok administrative ug legislative buildings.
Ang maong munisipyo buksan kini pagbalik sa adlaw nga Lunes alang sa paghatag na usab sa mga serbisyo.
Samtang temporaryong isirado ang munisipyo ang BTOM, Rural Health Center, Disaster Risk and Reduction, Barangay Border Checkpoints, Public Market Operations, Clean and Green, Agriculture Field Work ug Screening Operations and Drop-Off Services padayon gihapon kini sa ilang serbisyo.
Ang mga opisyal sa lungsod mapasalamaton kini sa pagsabot sa katawhan ug niawhag nga kanunayng magmatngon ug magmabinantayon
Gidasig usab ang katawhan nga magpabilin nga “stay at home” kung wala kini mga importante nga bulohaton o tuyo sa gawas. /BDB (BANATNEWS)