CEBU, Philippines — Nipasar ang Hunta probinsyal sa Sugbo og P1.2 bilyones nga supplemental budget sa General Fund sa Probinsya sa tuig 2020.
Si bokal Glenn Anthony Soco kinsa maoy Chairman sa Committee on Budget and Appropriations nagkanayon nga ang bulto sa supplemental budget (SB) gamiton alang sa assistance sa mga local government units nga moabot sa P600milyones.
Apil sa mga dagko nga gigahinan sa SB mao ang aid o assistance ngadto sa mga barangay nga moabot sa P302milyones ug hazard pay sa mga empleyado sa Probinsya sa Sugbo, health workers ug frontliners. «The supplemental budget puts the provincial government on track in implementing its plans and programs apart from responding to the COVID-19 pandemic. It allocates much needed resources to where it is due and equips the Governor with the necessary funding allocations in steering the Province of Cebu, moving forward» matod ni Soco. /MEL (BANATNEWS)