CEBU, Philippines — Sirado ang mga establisemento sa Dakbayan sa Talisay ug Naga kagahapon.
Kini human ang duha ka mayor sa siyudad nideklarar og “stay at home Sunday.”
Si Talisay City Mayor Gerald Anthony “Samsam” Gullas Jr. nipatuman niini matag Domingo aron makahigayon og disinfect sa kamerkaduhan ug uban nga mga establisemento.
Usa kini nila ka paagi nga maminusab ang panglihok-lihok sa katawhan.
Samtang si Naga City Mayor Kristine Vannesa Chiong nipatuman sab niini.
Gani gipahugtan pa nila ang ilang border control sa mga tawo nga buot mosulod ug gawas sa siyudad.
Ang Siyudad sa Naga nakatala na sab og kaso sa Covid-19 hinungdan nga giawhag ang tanan nga motuman sa safety protocols. /GMR (BANATNEWS)