Sikad, e-bike gipabiyahe na sa Talisay, bike lane gitun-an sa Mandaue
Gabriel C. Bonjoc (Banat) - June 4, 2020 - 12:00am

CEBU, Philippines — Gipabalik na sa pagpamasahero ang traysikad ug e-bike sa suoton nga lugar sa Dakbayan sa Talisay.

Si Jonathan Tumulak, traffic czar sa siyudad, nibutyag nga sila maoy mohakot sa mga pasahero nga namalik na sa trabaho human ang siyudad gipaubos na sa general community quarantine (GCQ).

Apan gipasabot ni Tumulak nga usa lang ka pasahero ang gitugot matag biyahe aron mapadayon ang physical distancing, pagdala sa quarantine pass, pagtaud og face mask ug uban pang safety protocols.

Gani si Kapitan Edward Alesna sa Barangay Poblacion nipahimangno sa mga drayber nga dili mopasakay sa mga pasahero nga walay face mask. Si Tumulak niingon nga bisan gitugotan na ang klase sa transportasyon dili gihapon sila mahimong moagi sa nasudnong kadalanan aron dili madakpan.

Samtang gitinguha sab sa konseho sa Dakbayan sa Mandaue ang pagbutang og bike lane sa mga dalan.

Si Konsehal Jimmy Lumapas, chairman sa committee on transportation, sa iyang gipangamahanan nga resolusyon nagsugyot sa City Planning and Development Office ug Traffic Enforcement Agency of Mandaue (TEAM) sa paghimo sa pagtuon.

Nunot niini si Atty. John Eddu Ibañez nga maoy executive secretary ni Mayor Jonas Cortes niingon nga si City Planning Officer Marlo Ocleasa maoy mangulo sa paghimo sa pagtuon sa pagsuta sa mga local roads nga maoy ilang gitan-aw nga kagahinan og lugar alang sa magsakay og biseklita. Romeo T. Limpangog/GMR (BANATNEWS)

MANDAUE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with