CEBU, Philippines — Ang Overseas Filipino Worker (OFW) nga taga Dakbayan sa Naga kinsa nagpositibo sa covid-19 gi-cleared na kini sa Department of Health (DOH) apan gipaabot pa ang resulta sa swab test niini. “Nagahanons, I am happy to share that the Nagahanon OFW from Barangay Colon, City of Naga, Cebu who tested positive of covid-19 upon arriving in Cebu City last April 28, 2020 has now been cleared by the Department of Health (DOH) Regional Director Dr. Jaime Bernadas, to come home having tested negative thru a rapid test and having completed 30 days of full isolation in Cebu city”, tipik sa pamahayag ni Naga City Mayor Kristine Vanessa Chiong diha sa Naga City Government facebook page.
Si Chiong nagkanayon nga kagahapon sa buntag niabot ang maong OFW diha sa Naga ug alang sa precautionary measures gikuhaan og swab ang maong OFW ug pending pa ang iyang RT-PCR Test.
Niuyon usab ang maong OFW nga anha lang una kini magpundo sa Colon Elementary School nga maoy gihimong isolation center sa siyudad.
“A rapid test was also done by the City Health Office where results showed that the patient is IgM negative and IgG positive. This means, he is now considered “presumptive recovered” and no longer infectious”, dugang ni Chiong.
Giklaro ni Chiong nga maghulat una sila sa resulta sa pcr-test subay sa standard alang sa pag-diagnose ug monitor sa pag-recover sa mga covid-19 nga mga pasyente subay sa guidelines sa DOH. – Le Phyllis F. Antojado/BDB
Lima ka sugarol sikop sa pagpangronda sa kapolisan
Lima ka tawo nga giingong nalambigit sa sugal ang nasikop atol sa managlahing pagpangronda sa kapolisan sa Lungsod sa Meddellin ug Lungsod sa Compostela.
Si Police Master Sergeant Orlando Batusin sa Medellin Police Station nagkanayon nga ilang gironda ang tigbakay sa Sitio Sudlon sa Barangay Antipolo sa maong lungsod diin nasikop sila si Mario Toring, 24, Joey Destacamento, 35 ug Visnelo Destacamento nga pulos nagpuyo sa maong dapit.
Matud ni Batusin nga ang ubang mga niapil sa tigbakay ang naglibwag og panagan dihang nakamatikod kini nga adunay mga polis nga niabot.
Samtang ang hepe sa Compostela Police Station Police Captain Vincent Zozobrado niila usab sa duha nila ka nadakpan atol sa ilang pagpangronda diha sa tigbakayan sa BarangayTamiao, Lungsod sa Compostela niadtong Sabado sa hapon nga sila si Willam Calo, 27 ug Jhonson Caño, 30, pulos nagpuyo sa maong dapit. Matud ni Zozobrado nga nabungkag usab ang nagtapok nga mga sugarol dihang nakabantay kini nga adunay mga polis nga niabot apan ang nahisgutang duha nagunitan kini sa mga polis. Ang mga suspetsado natanggong diha sa detention cell sa nahisgutang mga police station ug gikatakda kining pasakaan og kaso sa nahimo nilang kalapasan. /BDB (BANATNEWS)