CEBU, Philippines — Isip pagpangandam sa transition ngadto sa General Community Quarantine (GCQ), ang lokal nga kagamhanan sa Dakbayan sa Naga niumol kini og Task Force New Normal.
Ang maong task force gigama aron pag-umol og mga protocol sa himoon nga regulasyon sa mga kalihokan sa maong dakbayan sa subay sa umaabot nga “new normal.”
“Formulate protocols for the regulation and management of gatherings and activities as well as the flow of persons in public places that are in line with the national and provincial policies,” pagbasa sa Executive Order No. 105 ni Mayor Kristine Vanessa Chiong.
Ang task force nga pangulohan sa city government consultant Dr. Carmelino Cruz Jr. isip chairman, gitahasan sa mayor pag-umol og polisiya alang sa panglawas ug safety measures ug regulasyon pag-abot sa public transportation nga ipasunod sa mga “operators, drivers, conductors, pasahero, ug uban public utility vehicles sa maong dakbayan.
Apil sa gam-an og polisiya ang regulasyon nga ipatuman sa mga tunghaan sa Naga alang sa kasigurohan sa panglawas sa mga tinun-an ug mga magtutudlo kun mabalik na ang klase.
Laing tahas sa task force mao ang paghimo og Agricultural Enhancement Plan; paggama og polisiya “new normal workforce ug workplace management plan” nga ipatuman sa mga business establishment ug ubang pribadong sektor nga nag operate sa ilang dakbayan. – Le Phyllis F. Antojado/IBM
Maayong nahimo ni Sinas di unta kalimtan-Ferro
Gidepensahan ni Police Regional Office (PRO)-7 Director Brigadier General Albert Ignatius Ferro si NCRPO Director ug kanhi PRO-7 director Chief Major General Debold Sinas sa kontrobersiyang giatubang niini karon tungod kay dili unta kalimtan ang mga maayong nabuhat niini dinhi sa rehiyon kaniadto.
Si Sinas gipasakaan na og kaso sa Philippine National Police Internal Affairs Service og kasong kriminal ug administratiba uban sa iyang 18 ka mga sakop diha sa Taguig Prosecutor’s Office. Ang kaso nagagumikan sa pagpahigayon niini og birthday party niadtong Mayo 8 nga gitambungan sa daghang mga tawo. “[T]he investigation found that some of the pictures that went viral in social media platforms on May 12, 2020 were indeed taken in front of the quarters of [Sinas] inside Camp Bagong Diwa, Bicutan, Taguig City, during his birthday on May 8, 2020,” sumala pa sa PNP-IAS memorandum. Matud pa nakalapas si Sinas sa Mandatory Reporting of Notifiable Diseases and Health Events of Public Health Concern Act (Republic Act 11332) ug sa Taguig City Ordinance 12, nga nagmando og social distancing ug magsuot og facemask. Apan si Ferro sa press briefing sa mga tigbalita dinhi sa Sugbo niadtong Huwebes sa buntag miingon nga naila si Sinas nga daghang nahimo sa dihang siya pay director sa PRO-7 Chief ug bisan na sa pagkabalhin niini isip NCRPO Regional Director.
“It was not from me,it was from you,it was from the media that the good Major General Debold Sinas was a good Regional Director, and it won’t define the issues the intrigues that is being (thrown) against him,’” si Ferro miingon kabahin sa mga nanggawas nga balita bahin kang Sinas. Miapelar si Ferro sa publiko nga pasagdan ang imbestigasyon nga pagahimuon. “I think a person should not be crucified unless the necessary due process is given to him,” matud ni Ferro ug mipasabot nga dili unta kalimtan sa publiko ang mas daghang nahimo ni Sinas kun itandi niining usa lang ka kontrobersiya. The Freeman/IBM