CEBU, Philippines — Nausik ang 17 ka tuig nga panerbisyo sa usa ka maestro human siya nadakpan sa hiniusang buy-bust operation sa City Drug Enforcement Unit (CDEU) pinangulohan ni Police Captain Jefferson Sinfuego ug sa City Mobile Force Company pinangulohan ni Police Lieutenant Colonel Randy Korret, Miyerkules sa gabii diha sa Sitio Tawagan, Barangay Sirao, Syudad sa Sugbo.
Ang mga dinakpan mao sila si Gary James Tumulak Dela Cerna ,39, usa ka high school teacher nga gikonsiderar nga High Value Individual City Level ug maoy target sa operasyon ug ang kauban niining si Joliber Magno Leyson alyas “Jojo,” 23, taga Barangay Adlaon.
Atol sa operation nakuha sa ilang posisyon ang nagkadaiyang pakete sa gidudahang shabu nga motimbang og 50 gramos nga mobalor og P340 mil.
Ang mga dinakpan anaa gibalhog sa Cebu City Police Office. /IBM (BANATNEWS)