DSWD: SAP alang lang gyud sa kabus
CEBU, Philippines — Ang ayuda sa Social Amelioration Program (SAP) sa Department of Social Welfare and Development gimugna alang sa mga kabus nga pamilya.
Kini ang gipasabot ni Leah Quintana, information officer of Department of Social Welfare and Development (DSWD)-7
Matud ni Quintana nga ang ayuda ubos sa SAP gimugna alang sa mga kabus nga pamilya ug lakip usab ang gitan-aw ang kinatibuk-an nga income sa pamilya ug dili lang sa usa ka tawo nga sakop sa pamilya.
Si Quintana nagkanayon nga kung aduna pay lain nga adunay income sa pamilya susihon kini kong nahimutang ba sila sa below poverty threshold ang ilang kinatibuk-an nga kita.
Matud usab ni Quintana nga ang giingong nisumiter og 5,000 ka beneficiaries sa maong programa unya 3,000 lang ang naaprobahan adunay posibilidad nga ang 2,000 wala malakip sa kabus nga pamilya o kaha pobre apan wala malakip sa targeted beneficiaries nga gipundohan sa gobiyerno.
Si Quintana nibutyag nga ang 2,000 nga wala malakip himoan og validation pag-usab sa DSWD og kong masuta nga kabus gyud sila ang lista isumiter sa DSWD central office apan kong adunay nasulat nga dili kabus ubos sa gilatid sa guidelines nga maoy basehan dili sila malakip sa lista nga iindorso ngadto sa kaulohan. /BDB (BANATNEWS)
- Latest