CEBU, Philippines — Si Cebu City Mayor Edgardo Labella kagahapon niluwat sa Executive Orders 66 ug 67.
Ang EO 66 mao ang pagpatuman og speed limit diha sa kadalanan sa siyudad samtang gipatuman ang Enhanced Community Quarantine tungod kay nabantayan nga adunay mga motorista ang magpakusog og dagan sa ilang sakyanan tungod sa kahawan kakron sa karsada.
Sa national road, highways ug city roads 40 kilometers per hour ang speed limit samtang sa Barangay roads ug residential areas 20 kilometers per hour ang speed limit.
Samtang ang EO 67 nag-required kini sa mga residente sa siyudad nga magsul-ob og mask kon mogawas ug moadto sa mga publikong lugar sa siyudad.
Giingong compulsory kini ug kon adunay dili mosunod niini ipatawag ang ilang atensiyon ug dili tugotan nga mosuroy-suroy diha sa kadalanan sa dakbayan. /BDB (BANATNEWS)