“Notado” gipusil patay samtang natulog
Sheriza Mae Uy (Banat) - February 9, 2020 - 12:00am

CEBU, Philippines — Gipasanginlang tulisan ug drug pusher ang gipusil patay samtang kini natulog sa kilid sa dalan kagahapon sa kaadlawon sa Legaspi St. eskina sa P. Burgos St. Barangay Santo Niño Dakbayan sa Sugbo.

Giila ang biktima nga si Sherwin Regis, 28, residente sa dan Logarta, Sitio Panting Barangay San Roque Dakbayan sa Sugbo.

Matud ni Waterfront Police Station Chief Police Major Jomar Pomarejos nga si Regis naila nga kawatan ug tulisan sa ilang hurisdiksyon ug kini manghingiay sa mga tawo diha sa dan Manalili, pier area ug sa M. J Cuenco Avenue.

Dugang pa ni Pomarejos nga kaniadtong 2014-2015 nakombikto kini sa kasong robbery. Sa bag-o palang sab kini nakapiyansa sa kaso nga paghupot og armas niadtong tuig 2018.

Sa iyang paggawas sa prisohan, adunay matud pa ni offer kang Regis nga pabaligyaon kini og illegal nga drugas. Tuod man pipila sa ilang mga dinakpan ang giingong mitumbok kang Regis nga ilang napalitan sa illegal nga drugas.

Nagduda ang kapolisan nga ang motibo pagpatay kang Regis may kalabotan sa illegal nga drugas.

Gibutyag sab ni Pomarejos nga si Regis uban ang iyang anak ug asawa usa sa mga nabiktima sa sunog sa Barangay San Roque niadtong Disyembre hinungdan nga anaa na kini sa kilid sa dalan nagpuyo.

Sa pagkakaron gipangita pa sa kapolisan ang mga namusil patay kang Regis. Rowena Capistrano/IBM (BANATNEWS)

SAMTANG
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with