Kanhi sundalo, piyansado gipamusil nangamatay
Romeo Limpangog, Rowena D. Capistrano (Banat) - January 25, 2020 - 12:00am

CEBU, Philippines —Duha ka mga tawo ang nakalas sa managlahi nga pagpamusil sa Dakbayan sa Mandaue ug Lungsod sa Consolacion, Huwebes sa gabie.

Unang pagpamusil nahitabo sa may F. Zuelig Avenue, North Reclamation Area, Barangay Subangdako Mandaue City  nga niresulta sa kamatayon sa kanhi sakop sa Philippine Army nga si Roger Capuyan, ug freelance body guard na karon.

Ang kapulisan sa Dakbayan sa Mandaue pinangulohan ni Police Capt. Marvin Fegarido mihimo og imbestigasyon sa nahitabo ug nasuta nga angkas ang biktima sa motorsiklong gimaneho ni Joel Alin. Gikan sa T. Padilla sa Cebu City ang duha padulong unta sa Lapu-Lapu City padung sa casino, apan pagabot sa maong lugar nakadungog og boto si Alin ug tungod sa kakurat niini nawagtangan kini og kontrol ug naigo sila sa gutter hinungdan sa ilang pagkalagpot.

Matud pa nga nangutana pa si Capuyan kang Alin kung wala ba kini maigo, apan samtang namapha pa silang duha kalit nga nahagba sa dalan si Capuyan hinungdan nga gidala kini sa tambalanan apan nakabsan sa kinabuhi.

Ang biktima nakaangkon kini og mga samad sa iyang kalawasan nga maoy naingnan sa iyang hinanali nga kamatayon.

Nakuha sa kapolisan diha sa crime scene ang lima ka basiyo sa bala apan wala silay lead kun kinsa ang namusil ug kun unsa ang motibo niini.

Laing pagpamusil sab ang nahitabo sa may Sitio San Miguel, Barangay Lamac, Lungsod sa Consolacion nga gikamatay ni Ryan Sinas, 30, nga dili pa dugay nakapiyansa sa kasong robbery hold-up.

Base sa imbestigasyon ni Police Corporal Cresenciano Saladaga, gisud sa wala mailhing mamumuno ang biktima diha sa panimalay niini ug gipusil sa ulo. Ang kapulisan padayon pa sa ilang imbestigasyon sa maong kaso. –/IBM (BANAT NEWS)

PATAY SUNDALO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with