Ecstasy wa kasulod sa Sugbo-PDEA7

CEBU, Philippines —  Mikunhod ang party drugs nga namonitor ang Philippine Drugs Enforcement Agency (PDEA7) atol sa selebrasyon sa Sinulog 2020 sumala pang PDEA-7 Regional Director Wardley Getalla.

“We found out selling of ecstasy is not rampant this year compared last year,” matud pa ni Getalla kinsa daan nang nipahibalo nga pangusgan nila ang pagpaniid sa pagsud sa maong party drugs nunot sa Sinulog.

Nangangkon siya nga naglisud og sulod dinhi sa Sugbo ang maong illegal nga drugas ug hasta ang demand sa drugas sama sa shabu atol sa kapistahan nimenus sab.

Sa pikas bahin, duha ka menor ang nadakpan tungod sa pagpamaligya og illegal nga drugas diha sa Purok  Rosal,  Sitio Banag-Banag,  Barangay Poblacion sa lungsod sa Liloan.

Matud pa ni Police Major Danilo Colipano, hepe  sa Liloan Police  Station mga tinun-an sa high school ang duha  nga nagpuyo sa maong dapit. Nakuha gikan kanila ang 19  ka gagmay  nga pakete ug lima  ka medium size packs nga dunay sud nga gidudahang shabu.  IBM (BANATNEWS)