Source sa drugas subayon ni Col. Soriano

CEBU, Philippines — Pagsubay sa source ug gigikanan sa ilegal nga drugas maoy tinguha karon sa officer-in-charge sa Cebu City Police Office, Police Col. Engelbert Soriano kinsa nahinabi sa Banat News.

Matud pa ni Soriano nga doblehon pa nila ang ilang paningkamot batok sa kampanya sa ilegal nga drugas tungod kay sila sa CCPO bisan adlaw-adlaw ang ilang accomplishment apan nagkataas usab ang supply.

Dugang pa ni Soriano nga niining iyang pagdumala sa CCPO maoy iyang tinguha ang pagtutok sa tinubdan ug pamaagi sa pagpalusot niini sa dakbayan uban sa pagpakig-alayon sa mga law enforcement agency sama sa Philippine Drug Enforcement Agency 7.

Sumala pa ni Soriano nga usa sa mga hagit nila sa Dakbayan sa Sugbo ang daghan nga port of entry hinungdan nga ilang paningkamutan ang pagsubay sa tinubdan. Si Soriano nitug-an nga padayon karon ang ilang pag-monitor ilabi na may kalabutan sa ilegal nga drugas.

Dugang ni Soriano nga mando usab kaniya ni Cebu City Mayor Edgardo Labella nga pakiggubatan ang ilegal nga drugas atol sa paghimo niya og courtesy call. /GMR (BANATNEWS)