45-anyos patay sa dengue
CEBU, Philippines — Lain na sab ang namatay gumikan sa dengue sa Siyudad sa Talisay.
Apan ang labing uwahing biktima nag-edad og 45-anyos nga taga Barangay San Isidro.
Si Dr. Lino Alanzado, pangulo sa Talisay City Health Office, nagkanayon nga nagguol siya sa panghitabo diin hasta hamtong dili na libre sa sakit nga dengue.
Ang dakbayan aduna nay 612 nga natala nga kaso sa dengue karong tuiga.
Asoy pa ni Alanzado nga gumikan gihapon kini sa uwan-uwan ingon man mapasagdan ang limpyo nga tubig og yabo.
“Wa na gyud maabtan og 24-oras ang biktima human nadala hospital. Usahay man gud magtuo lang ta nga simple nga hilanat lang pero awahi na diay ang tanan,” matud ni Alanzado.
Sa pagkakaron nahutdan na og para misting ang siyudad hinungdan nga larvicide nalang ang ilang gibuhat.
Kini mao ang matang sa pagpatay sa mga piso sa lamok nga naa sa mga kanal nga mas lahi sa misting nga mao ang pagbugaw sa lamok sa bisan asa nga suok. –/GMR BANAT NEWS
- Latest
