CEBU, Philippines — Patay ang usa ka 47- anyos human nga gipusil kini diha sa Sitio Tuburan, Barangay Punta Princesa sa Dakbayan sa Sugbo.
Giila ang biktima nga si Emilio Macabudbud nga taga Sitio Dakilang Pito sa maong barangay.
Matud ni Labangon Police Station chief Police Captain Jonathan Dela Cerna nga personal nga panagbikil ang gitan-aw nga motibo sa pagpusil patay kang Macabudbud.
Sa inisyal nga imbestigasyon nga gihimu sa kapolisan diin adunay usa nga nakasaksi sa pagkahitabo nga miingong nakadungog kini og komosyon sa dapit ug misayit pa ang biktima nga “ayaw bai, ayaw bai!” dayon gisundan og buto sa armas. Nakaangkon og samad pinusilan ang biktima sa iyang ulo.
Padayon pa ang manhunt operation ug pagtumbok kun kinsa ang mamumuno ug motibo niini.
Si Cebu City Police Office (CCPO) officer in charge Police Colonel Geovanie Maines mimando sa tanang station commanders nga paspasan ang pagsulbad ang mga kaso sa pagpamatay dinhi sa Sugbo. (/IBM) (BANATNEWS)