CEBU, Philippines — Lain pang unom nga biktima sa investment scam nga Organico ang miduso sa ilang reklamo sa Criminal Investigation and Detection Group (CIDG7) .
Matud ni CIDG7 Deputy Regional Chief Police Major Ronald Allan Tolosa nga gahapon sa buntag lain na usab nga grupo sa biktima ang nidangop sa buhatan nga misang-at og reklamo batok sa Organico. Kini human nga gipasaligan sila sa kompanya nga ibalik ang kwrta nga ilang na invest human mga nasirado ang ilang opisina sa Barangay Mabolo Dakbayan sa Sugbo apan hangtud karon wala gyud kini mahitabo.
Dugang pa ni Tolosa nga mihatag og demand letter ang mga biktima ngadto sa Organico tungod kay ila na gipanigil ang saad nga refund sa ilang gi invest nga puhonan.
Sagad sa mga reklamante mga medical representatives, negosyante ug uban pa. Dunay pipila kanila ang kapin P100 mil ang na invest.
Pangangkon sa mga biktima nga bisan pa nga wala nay buhatan ang Organico, gipasaligan gihapon sila nga mahatag ang 30-40% nga kita sa ilang investment.
Kasong estafa ang gisang-at sa mga biktima ug CIDG7 ngadto sa Organico.
Gahapon sa hapon sa unom ka reklamo , duha niini ang naduso na ngadto sa Prosecutor’s Office. (/IBM) (BANATNEWS)