World-class nga boardwalk tukoron sa dakbayan sa Talisay
CEBU, Philippines – Ang kagamhanan sa Dakbayan sa Talisay gikatakdang magtukod og boardwalk diha sa Barangay Poblacion.
Si Mayor Gerald Anthony “Samsam” Gullas, Jr. nibutyag nga ang maong tukoron nga boardwalk diha sa heritage park sa Barangay Poblacion usa kini ka world class.
Human sa pagsaysay ni Gullas sa iyang nahimo sa iyang 100-days sa paglingkod sa katungdanan gisunod ang ground breaking sa P100 milyones nga proyekto.
Sa pagkakaron ang siyudad aduna na kini P24 milyones nga pundo gikan kang Gobernador Gwendolyn Garcia ug ni Kongresista Eduardo Gullas.
Paningkamotan usab ni Gullas nga makakuha pa og pundo alang sa maong proyekto ngadto sa ubang kongresista ug sa mga senador.
Gibana-bana ni Mikki Aznar, pangulo sa tourism office nga mahuman ang proyekto sulod sa unom ka tuig apan magdepende kini sa pundo nga ilang matigom.
Ang phase 1 sa proyekto gikatakdang sugdan na kini human sa pista sa siyudad karong Oktubre 15 ning tuiga.
Sa laing bahin, mga naninda sa sidewalk sa mga dalan sa kabarangayan sa Dakbayan sa Mandaue ang gitinguha nga hawanan usab sa kagamhanan sa siyudad.
Ang maong plano nakapabalaka sa mga manindahay sa lugar ug naproblema usab niini ang mga barangay sa siyudad tungod kaya ang ilang mga sakyanan anha man iparada daplin sa karsada tungod kay wala sila’y parkingan.
Si Association of Barangay Council Federation President Ernie Manatad nipadayag og suporta sa paghawan sa mga barangay road. (Romeo T. Limpangog/BDB)(BANAT NEWS)
- Latest