CEBU, Philippines – Gibanabanang P32 milyones nga balor sa punoan sa Marijuana ang nalarot ug gisunog sa mga otoridad diha sa Sitio Quo, Barangay Gaas, Lungsod sa Balamban kagahapon sa buntag apan nakaeskapo ang mga nananom niini. Ang maong operasyon natigayon base sa gihatag nga impormasyon sa mga barangay officials sa Gaas sa maong lungsod.
Ang kapulisan sa Balamban Police Station nga gipangulohan ni Police Major Christian Torres, kauban ang 1st PMFC nga gipangulohan ni Police Lt. Colonel Rene Kyamko, PDEA-7, 47IB sa Philippine Army, NAVFORCEN ug Central Command ang nisaka sa maong bukid ug gilarot ang mga marijuana.
Sumala pa nga 80 mil ka punoan ang gitanom sa maong luna nga mobalor og 32milyones base sa Dangerous Drug Board Value. Tungod sa gidaghanon ug lisod ang agianan padung sa karsada nagkuha nalang ang mga otoridad og ebidensya ug ang uban gidauban diha sa mismong plantasyon. (/IBM)(BANAT NEWS)