CEBU, Philippines — Ang Malacañang sa Sugbo buot nga himuong museum diin giingong daghan ang pabor niini.
Si Cebu Provincial Governor Gwendolyn Garcia nipadala kini og suwat ngadto kang Presidente Rodrigo Duterte diin iyang gipadayag ang iyang suporta sa maong plano.
“I am very supportive of the idea of our very own nationally supported museum located right here in Cebu. If the national museum in Cebu comes to fruition, it will serve as beacon for tourists from all over the world, considering the rich history and culture that the structure represents, not only for Cebuanos, but for the entire Filipino people”, tipik sa suwat ni Garcia nga dunay petsa nga Hulyo 19, 2019.
Sa niaging buwan, atol sa 1st session sa 15th Sangguniang Panlungsod sa Cebu City, ang konseho nipasar og resolusyon nga nagsuporta sa baroganan ni Secretary Michael Dino nga i-convert and century-old building sa usa ka regional branch sa national museum.
Ang maong resolusyon gipangamahanan ni Konsehal Renato Osmeña, Jr. ug naaprobahan niadtong Hulyo 16, 2019 diin gihatagan og kopya ang Office of the President, Office of the Executive Secretary, Office of the Presidential Assistant for the Visayas, National Museum of the Philippines, Department of Finance ug Bureau of Customs Port of Cebu.
Ang acting deputy general manager sa Cebu Port Authority Glenn Castillo nipadayag usab sa iyang suporta sa maong tinguha.
Nasuta usab nga ang DIBUHU Art Group (Diwa sa Buhing Hulagway) pinaagi sa head artist Wilfredo Cañete, Jr. nipadayag usab sa ilang suporta sa ideya ni national museum chairperson Evangelina Lourdes Arroyo-Bernas nga himuong national museum ang Malacañang sa Sugbo.
“This would also inspire our artists and young Cebuanos to contribute and leave a legacy to our great nation”, matud ni Cañete sa iyang suwat ngadto kang Bernas nga gipaagi sa OPAV. Si Randy Salazar nipadangat og suwat sa OPAV nga nagpadayag sa interest nga motabang pagbutang og traditional blades sa umaabot nga national museum sa Malacañang sa Sugbo.
Si Dino nipadayag sa iyang suporta nga himuong national museum ang Malacañang sa Sugbo human si Bernas nipadala og suwat ngadto kaniya nga naglatid sa interest sa national museum sa re-establishing sa presensiya niini sa Cebu City pinaagi sa restoration ug conversion sa building. (/BDB)(BANATNEWS)