DepEd-7 di pa kaproseso sa Senior High vouchers
CEBU, Philippines — Tinguha karon sa DepEd Region 7 nga pamayran usa ang ilang mga bayranan sa mga senior high school vouchers nga gipanghatag nila sa tuig 2018.
Kini ang gitug-an sa rehiyonal nga direktor sa DepEd 7 Dr. Juliet Jeruta, human gikuhaan og pamahayag may labot sa update sa mga vouchers alang sa school year 2019-2020 sa mga incoming senior high school students.
Dugang pa ni Jeruta, gumikan sa kalangay sa pagpasar sa annual budget ug sa problema sa sistema, wala pa sila kasugod sa pagpanawat og aplikasyon alang sa gusto mokuha ug senior high school voucher ilabi na kadtong gikan sa mga private schools.
Gibana-bana sa DepEd nga dili moubos sa 100 mil ka mga tinun-an ang mosulod isip senior high school students karon nga tingbukas sa klase.
Ipahibalo ra usab unya sa departamento sa edukasyon ang aplikasyon alang sa mokuha og voucher sa ilang website.
Dili na usab kinahanglan mo-apply aron maka-avail sa maong voucher ang gikan sa pampubliko nga tulonghaan. (/IBM)(BANATNEWS)
- Latest
