CEBU, Philippines – Palihokon sa Provincial Disaster Risk Reduction and Management Council (PDRMMC) ang Emergency Operations Center sugod karong adlawa isip pagpangandam sa umaabot nga midterm election sa Lunes, Mayo 13.
Si Rhee Telen, ang disaster officer sa Provincial Disaster Risk Reduction and Management Office (PDRRMO), nagkanayon nga aktibo ang maong center hangtod sa udto sa Mayo 14.
Ang emergency operations center langkoban kini sa quick response team sa Probinsya sa Sugbo uban ang nagkadaiyang ahensya sa gobyerno. Apil na niini ang PDRRMO, Provincial Health Office, Capitol Volunteers, Task Force sa Armed Forces of the Philippines (AFP), ug Bureau of Fire Protection Matod ni Telen nga ang maong team moresponde kini kun ugaling adunay emergency sugod karong adlawa hangtod na mahuman ang eleksyon.
Nitataw hinoon si Telen nga hinoon dili dayon ang Kapitolyo maoy unang moresponde.
Sa Probinsya sa Sugbo , dili momenus 60 ka personnel ang on standby sa emergency operations center sa Central Command, samtang ang DILG adunay laing team nga on standby usab 24/7 sulod sa Capitol Compound. Ang region anha matukod sa emergency center sa One Central hotel sa dakbayan sa Sugbo. —/LPM (BANAT NEWS)