CEBU, Philippines – Naghinam-hinam na si Cebuano star point guard RR Pogoy nga makigduwa ni kanhi NBA standout ug karon import sa TNT KaTropa nga si Terrence Jones sa PBA Commissioner's Cup nga sugdan sa Mayo 19.
Si Pogoy nga usa karon sa mga haligi sa TNT, miangkon nga usa siya sa mga miidolo kaniadto ni Jones dihang player pa kini sa NBA uban sa Houston Rockets.
Ang 6-foot-9 nga si Jones gitan-aw nga labing 'high-profile' import sa umaabot nga conference, ilabi na nga miduwa pa kini atol sa regular season sa NBA uban sa Rockets sa wala pa mapupos iyang kontrata niadtong Marso.
Si Jones mohimo sa iyang PBA debut batok sa NLEX Road Warriors karong Mayo 22.