CEBU, Philippines — Gikatakda karong Abril 29 hangtud Mayo 1 ang local absentee voting alang sa mga moserbsiyo sa umaabot Midterm elections. Ang tulo ka adlaw nga absentee voting maoy higayon sa mga adunay trabaho sa adlaw mismo sa eleksyon nga makabotar. Kwalipikado niini mao ang mga empleyado sa gobyerno nga adunay trabaho sa election sama sa mga kawani sa Comelec, mga sakop sa Armed Forces of the Philippines (AFP), Philippine National Police (PNP) ug mga sakop sa media. Sa absentee voting, mabotaran lang ang mga midagan pagka senador hangtud sa partylist. Manual usab ang pagboto niini ug walay gamiton nga vote counting machine (VCM).
Matud ni Atty. Jerome Brillantes ang acting provincial election supervisor nga ang ahensiya na maoy mangita og lugar kon asa makabotar ang ilang mga personnel. “Every agency pwede ra didto sila mag-apply, didto ra sila mobotar just like the PNP, they will provide a place wherein they can vote katong ni avail sa absentee voting and we as the Comelec employees, observers lang sa ilang pag-conduct og absentee voting… They will be the one to collect it they will be the one to seal it and will be the one to send it to Manila.” dugang ni Brillantes. DILT (BANAT NEWS)