Magpale: Irespeto ang pagsaulog sa Semana Santa
CEBU, Philippines — Nipahimangno si Bise Gobernador Agnes Magpale ngadto sa mga mobiyahe ug magbakasyon sa isla sa Bantayan nga obserbahan ang Semana Santa.
Kini gumikan sa nahitabo sa niaging katuigan nga adunay mga dagkong kalihokan sa maong isla sama sa music festival ug disco diin gireklamo kaniadto sa simbahan.
Si Magpale kinsa chairman usab sa Provincial Tourism Commission nagkanayon nga kinahanglang i-monitor kini sa Local Government Units (LGUs) ug kinahanglan irespeto ang pagsaulog sa Semana Santa.
Si Melanie Loyao, tourism officer sa Sta. Fe nagkanayon nga walay disco nga ipahigayon hilabina sa Huwebes Santo ug Biyernes Santo sanglit gibawal na kini sa lungsod.
Dugang ni Loyao nga adunay kalihokan apan sama ra sa film showing ug food bazaar. (/BDB)(BANATNEWS)
- Latest