CEBU, Philippines — Ang pag-isa sa kamot kang Partido BARUG mayoralty candidate Vice Mayor Edgardo Labella ni Hugpong Ng Pagbabago chairperson ug Davao City Mayor Sara Duterte matud pa endorsement sa kinatibuk-ang kandidato sa partido.
Mao kini ang gitug-an ni Labella nga ang pag-isa sa iyang kamot giingong “on his behalf and the members of the group”. Matud pa nga si Sara mo-isa unta sa kamot sa tanang kandidato sa Partido-Barug apan wala nalang kini himua aron dili mabalda ang mga senatorial candidates nga mihatag og mensahe mao nga gihimo ang pag-isa sa iyang kamot kilid sa stage.
Sa iyang Facebook post, gipasalamatan ni Labella si Sara sa “trust and confidence” nga gihatag niini ngadto kaniya.
Gihimug-atan sa bise mayor nga ang endorsement sa HNP makatabang sa ilang kandidatura sa umaabot nga piniliay karong Mayo.
Kahinumduman nga ang kamot ni Labella ug sa iyang running mate nga si kanhi mayor Michael Rama, giisa sab ni Presidente Rodrigo Duterte atol sa political rally sa PDP-Laban niadtong Pebrero 24.
Asoy ni Labella nga gipangayo ni Sara ang suporta sa partido alang sa kandidatura sa mga kandidato pagka-senador. (/DILT)(BANATNEWS)