Magtiayon nga giingong nag-refill og butane sikop
Romeo T. Limpangog (Banat) - March 16, 2019 - 12:00am

CEBU, Philippines – Nasakmit sa kapolisan ang mga butane canister ug ingon man kahimanan sa pag-refill sa gihimo nilang pagpangronda kagahapon sa buntag diha sa Barangay Don Pedro Rodriguez sa Dakbayan sa Bogo.

Si Police Inspector Ramuel Banogon, deputy chief sa Bogo City Police Station niila sa ilang nadakpan nga magtiayon nga mao si Ramil Huyo Edaño, 42 ug Leizel Menor Edaño, 42, mga residente sa maong dapit.

Si Police Superintendent Emelie Santos, hepe sa kapolisan sa maong dakbayan nibutyag nga nakadawat sila og mga taho labot sa ilegal nga pagpamaligya og butane sa maong magtiayon diha sa lugar hinungdan nga gipanid-an nila kini sulod sa usa ka semana pagkonpirma sa maong taho.

Dihang napiho sa kapolisan nga positibo ang maong taho nipahigayon sila og pagpangronda diin dala nila ang search warrant nga giluwatan ni Judge Jineffer Singco sa Regional Trial Court   (RTC)-7 sa Dakbayan sa Bogo.

Nasakmit sa mga polis ang 19 ka walay sulod nga tangke sa super LPG ug pipila ka mga adunay sulod nga butane canister ug mga kahimanan alang sa pag-refill.

Ang maong mga dinakpan gitanggong karon diha sa detention cell sa Bogo City Police Station ug gikatakdang pasakaan og tukmang kaso sa nahimo nilang kalapasan. (/BDB)(BANAT NEWS)

 

 

SIKOP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with