CEBU, Philippines — Gikatakda karong Enero 25, Biyernes ang Sinulog sa ANAKMA sa Brgy. Pagsabungan, Dakbayan sa Mandaue isip pahinungod sa ilang patron nga si Señor Sto. Niño.
Si Raul Ruiz, presidente sa ANAKMA compound miingon nga ang maong indigay nga ilang pasiugdahan bukas alang sa tanang gustong moapil. Nahimo na nga kabahin sa tinuig nilang pangilin ang maong kalihukan.
Giangkon ni Ruiz nga bisan dili kayo daku ang ilang premyo, angay nga hunahunaon nga kabahin kini sa paghalad og sayaw ngadto kang Sto. Niño.
Gipahibawo niini nga karong tuiga, ang ilang Sinulog ang modaug makadawat og P50 mil, ang ikaduhang ganti makakuha og P30 mil samtang P20 mil ang ikatulong pwesto. (BANAT NEWS)