^

Banat Balita

Police asset gibawsan sa sindikato?

Camille L. Pateres - Banat
Police asset gibawsan sa sindikato?
Giingong nakasulod usab si Cano sa grupo sa mga durugista nga nakalas sa Brgy. Maghaway niadtong Nobyimbre 24.
File

CEBU, Philippines — Sakop sa sindikato sa ilegal nga drugas ang persons of interest karon sa pagpatay sa usa ka lalaki nga napalgan sa Sitio Manipis, Brgy. Campo 4, Dakbayan sa Talisay niadtong Domingo sa buntag.

Kahinumduman nga giila ang maong patay nga si Danilo Nacua Caño, taga Lungsod sa Minglanilla. Napalgan kini nga nagkulob ug gihigtan ang mga kamot sa luyo ug gisampongan og panapton ang baba niini. Gibutyag sa hepe sa Talisay City Police Station nga si PSupt. Marlu Conag nga asset sa polis ang biktima kaniadto ug malampuson kining nakasulod sa grupo sa mga sindikato.

“He is one of the person na pumunta sa amin informing that police force merong bounty on our heads,” dugang ni Conag.

Giingong nakasulod usab si Cano sa grupo sa mga durugista nga nakalas sa Brgy. Maghaway niadtong Nobyimbre 24.

Nasayran nga sa Maghaway, nakalas atol sa buybust operation silang Susano Labrador, Vincent Ceballos, ug Warlito Tecson human giingong nanukol sa mga operatiba.

Samtang nakaikyas ang mga kauban niini nga silang Ariel Olivar alyas Ladoy, ang gituohang lider sa grupo; ug si Jackson Segundino kinsa gidudahang hitman sa maong grupo.

Pangagpas ni Conag nga gipasanginlan ang maong biktima nga maoy informant sa kapolisan.

Sa laing bahin, ang hepe sa kapolisan sa Lungsod sa Minglanilla nga si Police Chief Inspector Verniño Noserale nagkanayon nga mopahigayon usab sila og imbestigasyon kabahin sa background ni Caño.

“We will profile gyud sa victim nato. It’s a good start gyud in every investigation nga makatabang sa atoa especially kun wala tay clue or information kun nakatabang  siya,” dugang ni Noserale. (BANAT NEWS)

DANILO NACUA CAñO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with