Underpass project gitinguhang mabuksan sa Marso
Decemay P. Padilla (Banat) - December 3, 2018 - 12:00am

CEBU, Philippines — Masaligon ang Department of Public Works and Highways (DPWH)-7 nga ang P638 million underpass project sa Natalio Bacalso Avenue mahimong operational sa sayong bahin sa buwan sa Marso sa sunod tuig.

Si DPWH-7 project engineer Roy dela Cruz nagkanayon nga 83 porsyento na ang nahuman sa ilang trabaho ang WT Construction Inc. kinsa maoy contractor sa proyekto.

Buot sa contractor nga sayo makompleto ang proyekto o sa dili pa maabot ang gihatag nga petsa  sa pagkompleto niini aron pagwagtang sa kahasol sa mga sumasakay ug motorista nga nakasinati og kahuot sa dagan sa trapiko sa maong dapit.

Kahinumduman sukad niadtong Agosto tuig 2017 ang publiko nakasinati og kahuot sa dagan sa trapiko sa south district.

Sa ulahing  kalamboan, ang WT Construction Inc. nihimo sa excavation works sa tunga-tungang bahin sa underpass project nga mao ang phase 5 ug 6.

Nasayran nga ang maong proyekto gipaubos kini sa unom ka phases diin ang phase 1ang dapit diha sa atubangan sa usa ka fast food chain, phase 2 atubangan sa shopping center, phase 3 diha duol sa eskina  F. Llamas Street ug ang phase 4 ang northbound lane sa N. Bacalso Avenue.

Matud ni dela Cruz nga ang contractor hapit na mahuman sa excavation sa northbound nga bahin ug nunot niini ang mga trabahante magsugod na unya sa pagkawot sa southbound lane.

Ang maong underpass project aduna kini gitas-on nga 600 meters gikan sa atubangan sa usa ka bangko paingon sa eskina Rama compound.

Human sa excavation works ang contractor mosemento sa bongbong, moinstolar og slub ug uban pa.

Samtang ang kahimtang sa trapiko sa south district dili na kaayo kini huot human nga ang duha ka side roads sa N. Bacalso Avenue giablihan.

Gikan sa alas 6:00 hangtod sa alas 8:00 sa buntag ang duha ka side roads eksklosibo kini alang sa northbound vehicles samtang ang mga southbound vehicles adto moagi sa diversion routes sa Ganciang Street, Caimito Street ug uban pa.

Sa alas 8:00 sa buntag hangtod na sa gabii balik sa normal ang sitwasyon sa dapit. (BANAT NEWS)

DEPARTMENT OF PUBLIC WORKS AND HIGHWAYS UNDERPASS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with