CEBU, Philippines – Dugang P1.3 milyones nga gidudahang shabu ang nasakmit sa kapolisan sa gihimong follow-up operations human sa pagkasakmit sa 3.3 kilong shabu sa Barangay Pardo, Cebu City.
Ang operasyon nga gitawag og Synchronized Enhanced Managing Police Operations (SEMPO) niresulta usab sa pagkasikop sa upat ka mga tawong adunay pending warrants of arrest sa nagkalain-laing mga kaso .
Sigon pa sa direktor sa Cebu City Police Office nga si Senior Superintendent Royina Garma, nagsugod ang SEMPO alas-8 sa gabii niadtong Huwebes ug nahuman sa parehong oras sa adlaw nga Biyernes.
Gawas sa upat nga nadakpan tungod sa pending warrants, dugang onse ka tawo usab ang nasikop tungod sa koneksyon sa P39 Milyones nga shabu nga nasakmit sa miaging semana.
“Resulta ito ng follow-up operations, hindi na natin nilubayan pagkatapos mahuli ang isang malaking isda,” si Garma miingon. (/IBM)(BANAT NEWS)