CEBU, Philippines – Nagtingkagol sa bilanggoan ang usa ka lalaking tigpayuhot og ilegal nga drugas human siya nasikop sa buy-bust operation sa kapolisan sa Molave St., Barangay Tabunok, Dakbayan sa Talisay niadtong Lunes sa hapon.
Ang maong dinakpan mao si Artchie Lazaga alyas Tasyo, 38-anyos, nagpuyo sa Sitio Kasagingan, Barangay Lawaan 3 sa maong siyudad.
Ang pangalan sa suspek nitumaw human sa report nga gipaabot sa katawhan sa maong lugar hinungdan nga gihimoan nila kini og surveillance.
Natigayon gyud ang ilang operasyon diin dali ra sab nga nikagat ang suspek hinungdan sa iyang pagkasikop.
Nakuhaan siya og 83 ka gagmay nga pakete sa shabu nga mokantidad og P41,567.
Gidala sa Talisay City Police Station ang suspek ug gibalhug sa bilanggoan ug gikatakda siya nga pasakaan og kaso. (/GMR)(BANAT NEWS)