“Igat” subling nadakpan
Ermida Q. Moradas (Banat) - September 15, 2018 - 12:00am

CEBU, Philippines — Subling nasikop sa kapolisan ang ex-convict nga ginang human kini mapaliti og gituohang shabu niadtong Biyernes sa gabii sa Barangay Cogon Ramos, Siyudad sa Sugbo.

Ang suspek giila nga si Melodina ‘Igat’ Sotelliza, 50-anyos, lumad nga taga Brgy. Carreta, Siyudad sa Sugbo. Atol sa gihimong operasyon sa Cebu City Police Station 2 kon Abellana Police Station, si Sotelliza nakuhaan og dili mominos 40 ka pakete sa gituohang shabu nga mobalor og P166 mil.

Si PIns. Greg Ybiernas, deputy chief sa CCPO Station 2 mitug-an nga nadakpan na si Sotelliza niadtong 2001 ug nakagawas niadtong 2004 sa susamang kaso, ang pagkalambigit niini sa ginadiling drugas. Niadtong 2007, nasikop pag-usab si Sotelliza pinaagi sa warrant of arrest ug nakagawas niadtong 2010.

Dugang ni Ybiernas nga base sa ilang gihimong imbestigasyon, wala gyud mohunong sa ilegal nga binuhatan si Sotelliza bisan og kadaghan na kining napriso.

Sa laing anti-drug operation nga gihimo sa kapolisan sa Dakbayan sa Sugbo, nasikop sa may Sitio Alviola, Villagonzalo 2, Brgy. Tejero sila si Evarita Lukay-lukay ug Glaiza Cuambot.

Matud ni PCIns. Keneth Paul Albotra, ilang gi-buy-bust si Lukay-lukay human sila nakadawat og taho nga nalambigit kini sa ilegal nga drugas ug atol sa operasyon nakuhaan kini og 40 ka gagmay’ng putos sa gituohang shabu.

Sa Brgy. Duljo-Fatima, nadakpan sila si Christopher Bayubay ug Reynaldo Gadiane.

Nakuhaan sila og pipila ka mga putos sa ginadiling drugas sa gihimong buy-bust operation sa Mambaling Police Station. Nasikop usab si Florante Flores, taga Quijano Compound sa Brgy. Calamba, Ronald Gallardo, taga Sitio Sosco Limkakeng Englis sa Brgy. Guadalupe ug si Roselyn Gonzales.

Nasakmit gikan kanila ang ginadiling drugas nga mobalor og P5 mil ug buy-bust money nga tres sientos pesos.

Naposasan sab si Ernesto Garcia, taga Sitio Tayud, Brgy. Basak Pardo human sa gihimong validation sa grupo ni PCIns. Regino Maramag Jr. dihang nakadawat sila og taho nga namaligya og ilegal nga drugas si Garcia.

Samtang gibalhog karon sa detention cell sa Danao City Police Station ang walo ka mga pusher nga nadakpan atol sa Oplan Limpyo sa kapolisan sa Danao niadtong miaging adlaw.

Matud sa hepe sa kapolisan sa Danao nga si PSupt. Jaime Quiocho Jr. nga gipangulohan ni PO3 Phil Restauro ang maong mga operasyon diin ilang girumbo ang kabarangayan sa Suba, Poblacion, Guinacot ug Cabungahan.

Nasikop sila si Eleizer Collantes, Gabriel Clavario, Abel Bugtai, Adelito Juntilla, Phenaer Laude, Jocelyn Batucan, Arcleo  Mataboth, Nicolas Ceniza Jr. ug Efren Mantilla, pulos hingkod ang panuigon ug pulos nagpuyo sa maong dakbayan.

Sa maong operasyon, 50 ka gagmay’ng pakete sa gituohang shabu nga nagkantidad og P30 mil base sa DDB value ug mga paraphernalia.

Mag-atubang og tukmang kaso ang mga dinakpan. (Rowena D. Capistrano ug Romeo T. Limpangog)(BANATNEWS)

NADAKPAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with