CEBU, Philippines — Ang Police Regional Office (PRO)-7 niklaro nga aduna o walay ganti nga madawat padayon ug gipahugtan pa nila ang ilang internal cleansing batok sa mga badlongon nga polis.
Niadtong Biyernes sa gabii si Presidente Rodrigo Duterte nipahibawo nga iyang gipatas-an ngadto sa P5 milyones ang ganti alang sa mga law enforcers nga makapatay og mga badlongon sa katilingban nga sakop sa kapolisan.
Matud pa ni Duterte nga gibira sa mga badlongon nga polis kinsa nalambigit sa ilegal nga drugas, kidnapping-extortion nga mga modus ang kampaniya sa gobiyerno kalabot sa ilegal nga drugas.
Si Duterte midugang nga mohatag usab siya og P10,000 sa mga makadalang buhi sa badlongon nga polis.
“With or without sa reward nga ihatag ni Presidente, ang atong internal cleansing magpadayon. Mamahimo na mi anang bounty hunter kung mopatol mi. Ang amoa is trabaho lang may reward or wala. We will just do our job and enforce the law without expecting in return”, matud ni Police Superintendent Reyman Tolentin, tigpamaba sa PRO-7.
Si Tolentin nidugang nga gipahugtan pa nila karon ang ilang internal cleansing ilabi na dinhi sa Central Visayas ug dili na maihap ang nahimuan og operasyon ang uban girelibo na sa ilang trabaho. Mahinumduman nga niadtong bag-o pa nilingkod pagkapresidente si Duterte nihatag na kini og P2 milyones nga reward. (/ BDB)(BANATNEWS)