CEBU, Philippines – Pito ka parisan sa mga priso diha sa Cebu City Jail (CCJ) usa ka babaye niini dili inmate ang gikasal kagahapon sa hapon diha sulod sa Cebu City Operation Second Chance Center.
Kini ang ikaduha nga mass wedding ubos sa programa sa CCJ nga gipangulohan ni Cebu City Councilor Dave Tumulak, deputy mayor on police matters.
Ang lokal nga kagamhanan sa Siyudad sa Sugbo ang niabaga sa catering services, reception area ug ang pari.
Si Mary Rose Rodriguez, 20-anyos kinsa ang pares usa ka inmate mapasalamaton sa lokal nga kagamhanan sa siyudad ug kang Tumulak sa paghatag og programa aron ang mga priso makasal nga libre.
Sa laing bahin, nabuwag na sa mga lalaking inmate ang mga babayeng priso human sila nabalhin diha sa ilang pasilidad sa Talisay City Jail.
Si Inspector Valentine Senining, warden sa female inmates sa TCJ nagkanayon nga ang mga babayeng inmate malikay usab kini sa peligro nga mataptan og sakit nga tuberculosis.
Matud ni Senining nga ang prisohan sa mga lalaki pwerte nang huota ug aduna nay nasakit og TB nga priso.
Hinuon iyang giangkon nga naa gyuy masakit sa iyang mga priso apan dili alarming nga sakit o makatakod ug karon aduna silay mabdos nga inmate diin giatiman nila kini. (Gabriel C. Bojoc/BDB)(BANAT NEWS)