Nasakmit gikan ni Cabahug ang tulo ka dagkong garapon ug usa ka dakong plastic container nga puno sa dinugmok na nga dahon sa marijuana ug mga liso, ingon man mga dahon sa marijuana nga giputos og duha ka plastik, nga ang tanan mokantidad og P480 mil.
File
Marijuana Queen nasikop
Romeo T. Limpangog (Banat) - July 12, 2018 - 12:00am

CEBU, Philippines — Batan-ong babaye nga giingong “marijuana queen” nadakpan sa kapolisan sa akto nga mopayuhot og upat ka kilo nga pinaugang dahon sa marijuana didto sa Sitio Silangan, Barangay Tejero, Dakbayan sa Sugbo. Si Junemar Cabahug, alyas Kharla, 23, nagpuyo sa maong lugar, gidakop sa mga sakop sa Police Station 2 nga gipangulohan ni Chief Inspector Maria Theresa Macatangay

Nasakmit gikan ni Cabahug ang tulo ka dagkong garapon ug usa ka dakong plastic container nga puno sa dinugmok na nga dahon sa marijuana ug mga liso, ingon man mga dahon sa marijuana nga giputos og duha ka plastik, nga ang tanan mokantidad og P480 mil.

Ang kapolisan nakadawat og inpormasyon nga si Cabahug namaligya og marijuana sa dinaghan nga paagi. Didto siya magpuyo kaniadto sa Barangay Kamputhaw ug nibalhin kay nakabantay nga namatikdan na ang ilegal niyang kalihokan.

Matud pa nga si Cabahug niangkon nga upat na siya ka tuig sa maong negosyo ug ang iyang supply nga marijuana kuhaon niya sa Dakbayan sa Danao.

Si Macatangay miingon nga ang pag-angga og marijuana queen ni Cabahug kay maka-supply man siya og daghang marijuana. Ang ubang kustomer ni Cabahug mopalit og liso ug dahon sa marijuana, aron kuhaon ang oil ug isagol sa vape, nga gitawag og electronic cigaret.

Marijuana Gipang-Ibot

Samtang mokabat ngadto sa P240 mil ang kantidad sa marijuana nga gipanglarot didto sa Sitio Mapa, Barangay Tagba-o, Dakbayan sa Sugbo kagahapon sa buntag.

Ang mga sakop sa City Mobile Force Company sa Cebu City Police Office ang nironda sa gitamnan sa maong mga marijuana. Mga 300 ka labong na kaayong punoan sa marijuana ang naibot, ug lain pa nga mga 300 ka bag-o pang mitubo. Gisusi pa sa kapolisan kon kinsa ang nananom sa maong mga marijuana.

Managsuon Dakpan

Managsuon nga nagtungha sa kolehiyo ug laing duha ka lalaki, nasikop sa buy-bust operation sa managlahing Barangay sa siyudad sa Talisay kaniadtong Martes.

Si Talisay City Police Chief Marlu Conag miila sa mga dinakpang tinun-an nga mao sila si John Dhanrick Cabañero, 21, ug manghod nga si Karly Cabañero, 19. Si John tinun-an sa criminology samtang HRM si Karly.

Matud ni Conag nga si John ang nakigsabot sa ilang poseur buyer, apan si Karly ang mitunol sa shabu. Pagrekisa kanila, si John nakuhaan og usa ka medium-sized nga pakete ug 15 ka gagmay’ng pakete sa shabu, samtang 10 ka gagmay’ng paketeng shabu nakuha gikan kang Karly.

Mokantidad og P83 mil ang tanang shabu nga nakuha sa managsuon.

Pagka Martes sa hapon, si Bobby Borres, 44, nadakpan na usab didto sa Sitio Kilawan, Barangay Tangke ug nakuhaan og 19 ka gagmay’ng pakete sa shabu nga mobalor og P45 mil.

Laing nadakpan mao si Junrey Delfin, 35, didto sa Barangay San Roque ug nakuhaan usab og 23 ka gagmay ug usa ka medium-sized nga pakete sa shabu nga balor og P29 mil.

Dugang Nadakpan

Sa Mandaue City,       nasikop usab sa buwag nga buy-bust operations ang duha ka drug pusher sa Barangay Subangdaku, samtang didto sa Lapu-Lapu City nasakmitan usab og shabu ug armas ang laing dinakpan. Si Senior Inspector Troy John Lalamunan sa Mandaue City Police Office (MCPO) miila sa nadakpan sa Barangay Subangdaku nga mao si Timothy Jason Pilar, 28, taga Barangay Poblacion, Danao.

Matud pa nga kauban sa suspek ang iyang hinigugma nga si Mondevir Chris Lauron, taga dalan Sikatuna, Dakbayan Sugbo. Duha ka tawo nga sila si Denie Capuyan ug Andre Manolong ang gidakop usab kay naaktohan kini nga nagpalit og shabu gikan nila ni Pilar.

Mikabat og 36 ka paketeng shabu, P300 nga marked money, ug P800 nga gituohang halin ang nasakmit sa mga polis.

Sa Lapu-Lapu City, laing mga drug pusher ang nadakpan usab sa buy-bust operation sa Barangay Calawisan. Sila giila nga si Louis Fernando Lanas, 21, ug Joven Henson, 23, nga pulos nagpuyo sa maong dapit. Ang team nga gipangulohan ni Senior Inspector Joel Bicoy nakasakmit og duha lang ka gagmay’ng paketeng shabu.

Sa Catmon, nadakpan usab ang drug pusher nga si Jeffrey Gualfin, 33, taga Duyan. Matud ni Catmon Police Chief Romeo Caacoy nga nakuhaan nila og tulo ka gagmay’ng paketeng   shabu si Gualfin. (Camille L. Pateres ug Gabriel C. Bonjoc/RUB) (BANAT NEWS)

MARIJUANA QUEEN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with