Base sa autopsy report sa NBI, moabot sa 14 ka pinusilan ang iyang nakita sa lawas ug ulo, gawas niana adunay tapsing sa bala sa paa ug bukton.
File
Dili overkill
Decemay Padilla, Le Phyllis Antojado, Camille Pateres (Banat) - July 3, 2018 - 12:00am

CEBU, Philippines — Nakaangkon og katorse ka samad pinusilan, ang tulo niini sa ulo ang kontrobersiyal nga polis nga si SPO1 Adonis Dumpit atol sa operasyon sa National Bureau of Investigationi (NBI) ug sa kapolisan didto sa Bohol.

Matud ni Dr. Rene Cam ang medico legal sa NBI-Central Visayas sa ulo pa lang daan ni Dumpit aduna siyay nakita nga duha ka “entrance wounds’ ug tulo ka exit wounds.

Base sa autopsy report sa NBI,  moabot sa 14 ka pinusilan ang iyang nakita sa lawas ug ulo, gawas niana adunay tapsing sa bala sa paa ug bukton.

Si Cam nagkanayon nga tanang “entrance wounds” anaa kasagaran makita sa tuo nga bahin sa lawas.

Aduna usab nakuhang upat ka bala sa lawas ni Dumpit atol sa autopsy nga gisumiter ngadto sa PNP Crime Laboratory alang sa ballistics examination.

Apan iyang giklaro nga walay “overkill” nga nahitabo sanglit “judgement call” na kini sa shooters.

“If the one he is shooting or arresting, is capable or has threat of doing harm to the shooter, then the shooter  has to continue shooting, like in this case  naay witness nagsulti nga after he was down nag-change mag siya, so meaning to say he’s still a threat sa nag-shoot niya,” matud ni Cam.

Mihimakak

Gihimakak ni Cebu City Mayor Tomas Osmeña ang mga nanggawas nga report nga siya maoy nagpa-reassign kang Dumpit didto sa Bohol.

Sa report nga gisuwat sa usa ka ‘Zenith Yang Borres’ nga mikatap sa social media giingong gipabalhin sa mayor si Dumpit human nakitaan kini og “psychological instability” nga gidudahang tungod sa drug addiction kini sigon pa sa iyahang kaipon.

Diha usab sa report giingong ang mayor ug ang kapikas niini nga si Konsehal Margarita Osmeña nahadlok nga ang ‘psychological instability’ ug ‘emotional outburst’ ni Dumpit makaapektar sa ilang pamilya kay nianang mga panahona diha man magpuyo kanila sa Guadalupe si Dumpit. Apan ang maong report hugtanong gihimakak ni Osmeña sigon sa mayor wala gani siya masayod kun unsang pagkahitaboa nga si Dumpit naabot sa Bohol.

Sigon ni Osmeña gi-assign niya si Dumpit kadtong panahon nga ang mga barangay officials sa Ermita nasuspenso, gi-assign sab niya si Dumpit sa insidente nga naglambigit ni David Lim ug human niini wala na siya’y ideya kon asa na si Dumpit hangtud ug nadungog na lang niya nga naa na kini sa Bohol ug dunay hinigugma.

Ipa-imbestigar

Ipaubos og background investigation ang mga polis nga makuhaan og hulagway nga miduaw sa haya ug ingon man unya sa paglubong kang Dumpit matud pa ni Chief Supt. Debold Sinas. “Kung makita ka didto, then we will check. Are you a user? We will check your background who you are, ingon ana the usual thing,” sigun pa ni Sinas.

“We are very interested sa kanang who your friends are and I’ll tell you who you are,” pasiaw pa niya. (BANAT NEWS)

ADONIS DUMPIT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with