CEBU, Philippines – Naangol ang usa ka lalaki human gipusil samtang naglingaw sa disco kuyog ang pipila ka babaye kagahapon sa alas 2:35 sa kaadlawon sulod sa basketball court sa Barangay Cahumayan, Dakbayan sa Danao.
Ang biktima mao si Christopher Matugas, 32, nagpuyo sa Barangay Masaba sa maong dakbayan.
Matud ni PO1 Dante Raipan nga wala nabantayi sa mga tanod nga adunay nagdala og pusil sa diskohan.
Si Matugas naigo sa iyang tuong aping ug gidala sa Danao City Provincial Hospital apan siya gibalhin sa tambalanan sa Dakbayan sa Sugbo. (/GMR)(BANAT NEWS)