Tulo nadakpan tungod sa gun ban
Ermida Q. Moradas, Camille Pateres (Banat) - April 16, 2018 - 12:00am

MANILA, Philippines — Ang Police Regional Office-7 mipadayag nga malinawon ang tibuok rehiyon sa pagsugod sa election period niadtong Sabado samtang tulo na ang nadakpan sa COMELEC (Commission on Election) gun and deadly weapon ban.

“Makaingon ta nga generally peaceful. Atong hangyo lang,we will not resort to violence. We will observe the rule of law,”ang tigpamaba sa maong opisina nga si Police Supt. Reyman Tolentin miingon.

Samtang sa dalan Plaridel, barangay Umapad, Dakbayan sa Mandaue, nadakpan sa checkpoint niadtong Sabado sa kaadlawon ang nagmotor nga si Ramonito Estorco, 37, nagpuyo sa Sitio Bagumbayan, Barangay Maribago, Dakbayan sa Lapu-Lapu ug ang angkas niini nga giila nga si Adonis Enot ,25, nagpuyo sa Barangay Ilaya, lungsod sa San Fernando.

Matud pa nakuhaan si Estorco og usa ka pito ka pulgadang kutsilyo ug usa ka gamay nga pakete sa gituohang shabu.Giapil og dakop si Enot human nakuhai og laing usa ka gamay nga pakete sa gidudahang shabu.

Si Tolentin miingon nga miaksyon og dagan ang duha apan naabtan ra kini sa mga polis hinungdan nga gikapkapan kini. Samtang sa barangay Basak San Nicolas, Dakbayan sa Sugbo, nasakpan sa nagpatrolyang mga polis nga nagsuksok og armas si Benjie Sacares Emnace, lakip nga gikapkapan ang mga kauban niini nga silang Louis Nunez ug Ramilo Congiza.

Base sa report gikan ni Cebu City Police Office Director Senior Supt. Joel Doria nga nakuhaan si Emnace og usa ka paltik nga kalibre .22 revolver ug mga drug paraphernalia.

Nakuhaan sab og mga drug paraphernalia silang Nunez ug Congiza hinungdan nga pasakaan sila og kasong paghupot og drug paraphernalia ubos sa section 12 article 2 sa Republic Act 9165.

Sa laing bahin, nadakpan niadtong Sabado sa gabii sa barangay Pangpang, lungsod sa Barili ang usa ka Rolito Zamora, 38.

Sigun pa ni PO3 Encabo Gilbert, sa Barili Police Station nga kaduha nagpabuto sa iyang kalibre .38 nga armas si Zamora hinungdan nga dali kining girespondehan sa kapolisan ug sa Civilian Armed Forces Geographical Unit (CAFGU) nga nadestino sa maong lugar.

Giingong gisapot ra ang maong panadero apan nahilot ra kini sa mga mirespondeng otoridad. Ang mga nangadakpan kasohan og paglapas sa Comelec gun ban. (BANAT NEWS)

 

GUN BAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with