Polis positibo sa drugas
Matud ni Ivy Durano-Meca ang pangulo sa CPADAO, nga makatulo nila gi-screen ang ihi sa maong polis apan nagpositibo gyud kini sa shabu dihang gihimo kini diha sa Cebu Provincial Police Office (CPPO).
File
Polis positibo sa drugas
Le Phyllis Antojado (Banat) - April 13, 2018 - 12:00am

CEBU, Philippines — Usa ka tourist police nga nadestino sa Badian ang nagpositibo sa drug test nga gipahigayon sa Cebu Provincial Anti-Drug Abuse Office (CPADAO) niadtong Abril 2.

Matud ni Ivy Durano-Meca ang pangulo sa CPADAO, nga makatulo nila gi-screen ang ihi sa maong polis apan nagpositibo gyud kini sa shabu dihang gihimo kini diha sa Cebu Provincial Police Office (CPPO).

Sa pagkakaron nagpaabot na lang ang CPADAO sa resulta sa confirmation test gikan sa kaulohan karong semana.

Samtang duha ka mga kawani sa munisipyo sa lungsod sa Dumanjug usab ang nagpositibo sa gihimo gihapong drug testing dungan sa 29 ka mga police personnel ug non-uniform personnel.

Matud pa ni Meca ang mga nagpositibo usa ka regular ug usa ka casual nga kawani gikan sa 282 ka mga empleyado nga gi- drug test niadtong Abril 4.

Samtang niadtong Abril 5, 36 ka mga empleyado gikan sa local disaster office ug water works division sa lungsod sa San Fernando ang gi- screen sa CPADAO ug negatibo ang resulta niini.

Niadtong Abril 11, ang 37 ka mga personnel sa Personnel Holding and Accounting Unit (PHAO) sa CPPO ang gi-drugtest ug puro kini negatibo ang resulta. Matud ni Meca anaa na sa PNP kon unsay silot nga ipahamtang batok sa maong polis apan ilang rekomendasyon mao nga ipaubos kini sa drug rehabilitation.

Sa laing bahin, gipaubos sa Cebu City Office for Substance Abuse Prevention (COSAP) sa drug test ang mga empleyado sa Bacayan kagahapon apan wala pay gipagawas nga resulta.

Nagkanayon ang pangulo sa COSAP, Garry Lao, nga ila kining gibuhat pagsiguro nga drug-free ang matag buhatan sa gobiyerno dinhi sa siyudad.

Ang gobiyerno mitanyag og community -based rehabilitation center alang sa mga empleyado nga nagpositibo nga tiggamitan og ginadiling drugas. Matud ni Lao, taktakon gyud sa trabaho ang mga kawani sa barangay kon magpositibo kini apan mag-agad sila sa palisiya sa mga kapitan kon makabalik pa sila sa trabaho human mapaubos sa rehabilitation program.

Ang mga barangay nga napahigayonan og drug test mao ang : Barangay Kasambagan, Pahina Central,  Poblacion  Pardo, Pamutan, Guadalupe ug Sambag 1. Lakip na sab sa ilang napahigayonan og drug test mao ang mga V-hire drivers.

Sa kinatibuk-an, aduna na sila’y 585 ka mga kawani nga gipaubos sa drug test gikan sa buwan sa Enero ngadto sa Marso, diin ang 18 ka kawani niini ang positibo nga tiggamitan og ginadiling drugas. (Jhan Nysse Capus, CNU Intern/IBM) (BANAT NEWS)

 

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with