Pagdeklarar og Lapu-Lapu Day wala pa gihapon mahuman
Romeo T. Limpangog (Banat) - April 10, 2018 - 12:00am

CEBU, Philippines — Magtulo na lang ka semana subling himuon ang pagtimaan sa tinuig nga Kadaogan sa Mactan karong Abril 27 apan hangtud karon wala pa gihapon maaprubahi sa Kongreso ang balaudnon aron paghimong pista opisyal sa Lapu- Lapu Day.

Ang  senado nipasar sa Senate Bill no. 6782 niadtong Pebrero 19, 2018 nga gipangamahanan ni Senador Richard “Dick” Gordon aron ideklarar ang Abril 27 isip usa ka public-working  holiday sa tibuok nasud.

Kini aron sa pagtimaan sa unang adlaw dihang gipanalipdan sa mga Pilipino pinangulohan kaniadto ni Lapu-Lapu sa pagbuntog sa mga mananakop nga Espanyol.

Hangtud karon wala pa gihapon makasinabot ang bersyon sa Ubos Balaybalauranan ug sa Senado.

Ang House Bill  6782 nga giaprubahan niadtong Enero 22, 2018 ug gipangamahanan ni Lapu-Lapu Lone District Rep. Aillen Radaza gustong madeklarar ang Abril 27 isip usa ka special non-working holiday sa siyudad sa Lapu-Lapu.

Tungod niini wala maapil sa mga pirmahan untang mga bag-ong balaod ni Pres. Duterte ang maong balaudnon ug subli kining tukion sa Kongreso karong Mayo 14 tungod kay bakasyon sa mga magbabalaod.

Ang balaudnon nag-ingon nga si Lapu-Lapu gihulagway ni Gordon nga usa ka Visayan Muslim chieftain sa Mactan midumili sa pagyukbo sa mga Espanyol ug sa Kristiyanismo lahi sa gibuhat nilang Rajah Humabon sa Cebu ug uban pang mga silingan nga mga lider.

Sumala ni Gordon,  ang gibuhat ni Lapu-Lapu naapil sa  liriko sa Nasudnong Awit  nga Lupang Hinirang: “sa manlulupig di ka pasisiil” tungod kay malampuson niyang gipanalipdan ang Mactan.

Sa pikas bahin, opisyal nga pagasugdan ang mga kalihokan sa Kadaugan sa Mactan karong Abril  14, 2018 diha sa Liberty  Shrine sa Barangay  Mactan nga pangulohan ni Mayor Paz  Radaza.

Adunay parade nga himuon nga sundan og ribbon cutting dayon ang pag-display sa mga putahe gikan sa mga 5 Star Hotels sa dakbayan aron bisan ang mga ordinaryong mga Sugboanon makapalit sa barato lamang nga presyo. - Niña Mae P. Salvacion (BANAT NEWS)

KONGRESO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with