CEBU, Philippines — Gawas sa lungsod sa Daanbantayan, moapil usab ang lungsod sa Tuburan ug lungsod sa Ginatilan sa umaabot nga Sinulog sa Kabataan sa Lalawigan karong Sinulog 2018. Matud ni Tuburan Mayor Democrito Diamante, gibanabana nga P2 milyones ang ilang gigahin nga pundo alang sa ilang contingent s.
Agosto o Septiyembre nagsugod na pagpraktis ang di momenus 100 ka mananayaw, kon diin sila moapil sa secondary category sa Sinulog sa Kabataan sa Lalawigan.
Si Diamante nagkanayon nga nagplano usab siya nga mangayo balik sa Kapitolyo og assistance alang sa ilang gastohan sa ilang contingent sa pag-apil sa Sinulog.
Samtang si Daanbantayan Mayor Vicente Loot, una na kining nangayo ni gobernador Hilario Davide III og financial assistance alang sa ilang pag-apil sunod tuig ug siya gihatagan og P250 mil alang niini.
Si Mayor Dean Singco usab sa Ginatilan nagkanayon nga ang ilang lungsod moapil balik sa Sinulog karong tuiga.
Matod ni Singco nga ang ilang eskuylahan sa lungsod ang moapil niini ug suportahan sa lokal nga kagamhanan sa Ginatilan.
Ang Tuburan ug Ginatilan parehong nakadaog sa Sinulog sa Kabataan sa Lalawigan niadtong miaging tuig. (IBM) (BANAT NEWS)