CEBU, Philippines — Gibasura sa Provincial Board ang kasong administratiba nga gipasaka sa konsehal sa Lungsod sa Tabogon batok ni Mayor Zeigfred Duterte.
Si Konsehal Rodrigo Sinoy nisang-at og reklamong grave abuse of authority ug grave misconduct batok ni Duterte may labot sa P3.2 milyones nga gasto sa merkado sa lungsod.
Si Sinoy nipasangil nga si Duterte nipirma og Memorandum of Agreement tali sa Beecartine Construction and Supply nga wala pa giaprobahan sa konseho.
Apan matud ni Duterte nga gitugutan na siya sa konseho sa pagpirma sa MOA base sa Resolusyon 162-2015 niadtong Septiyembre 18, 2015.
Kini gisuportahan sa gipanumpaang pamahayag ni Bise Mayor Leonardo Arpon.
Nasuta sa PB committee on complaints and investigation nga gipangulohan ni Bokal Raul Bacaltos nga tinuod ang pangangkon ni Duterte ug Arpon.
“It’s either absent siya or wala siya kahinumdum or politically motivated lang jud,” matud ni Bacaltos. (BANAT NEWS)