CEBU, Philippines - Bata nga nag-edad og 5-anyos, nalumos dihang naligo sa lim-aw.
Nahitabo ang insidente sa may Sitio San Isidro, Barangay Perrelos, Dakbayan sa Carcar. Nakit-an na lang wala nay kinabuhi human gituohan nga nalumos ang 5-anyos nga si Kurt Kenny Wamar.
Matud ni PO1 Regie Amad, Desk Officer sa Carcar City Police Station nga unang midangop sa ilang buhatan ang apohan sa bata nga si Teresita Elguerra kay giingong nawala og kalit ang iyang apo dihang naligo kini sa lim-aw uban sa laing mga bata alas dos sa hapon niadtong Huwebes.
Dugang sa polis nga pagka alas kwatro sa hapon, nakit-an ang bata sa maong lugar ug daling gidala sa Cebu Provincial Hospital – Carcar apan gideklarar kini sa doktor nga patay na dihang miabot sa tambalanan. Camille L. Pateres ug Rowena D. Capistrano (BANAT NEWS)